Dt 13 Jul 2022 khan India leh China ramri, Line of Actual Control ah Sepoy Hmar Lalnunthara 5th Assam Regiment hian operational duty a perform laiin vanduaina tawkin a boral a. He operation hming hi Operation Snow Leopard ti a vuah a ni. Ram venhim hnathawka a nunna hlu tak hlan tu Sepoy Hmar Lalnunthara boralna hi Battle Casualty (Fatal) anih avangin Mizoram sorkar chuan a ngaihlu in zangnadawmna atan Ex-gratia grant Rs. 6,00,000/- (Rupees Six Lakhs) a sanction a. He sumfai hi vawiin Dt 04 April 2024 hian Mizoram sorkar aiawhin Surgeon Lieutenant Commander Lalnuntluanga (Retired), Director, Sainik Welfare & Resettlement chuan a office chamber ah Sep Hmar Lalnunthara (L) nupui, Pi Vanlalrengi hnenah a hlan a ni.
